Madagate.com le premier portail d'information et d'analyse politique de Madagascar

Na dia tsy afaka nanatrika ny tao am-piangonana sy tsy nanatitra an’i Oels eny amin’ny trano vato hiandrasana ny fitsanganan’ireo nialoha lalàna antsika mbola velona izao, dia nisy kosa ny taranaka niara-niasa taminy mba nandimby aho. Dia i Sandy izany. Ireto dia fahatsiarovana ho an’ny taranany, ny vadiny ary ny fianakaviany iray manontolo. Tsy ho adino -ary tsy azo adino-  mihitsy ny fandalovany tety an-tany. Hafatra mafonja ireto.

Raha fintinina ny toriteny re sy heno tao aminy Fjkm Ambohitantely, tamin’ny fanaovam-beloma farany an’i Oels, dia toa izao: azo atao tsara ny mampifandrindra ny fifanoherana ho hery entina hampandroso.

Inona no toe-tsaina, toe-po tokony hananàna mba ho mpandresy na hihoatra noho ny mpandresy?

1- Ny finoana (ny fandresena tsy ho amin’ny ho avy fa efa eto - tia anao Andriamanitra)

* Fahoriana amin’ny teny latina toe-javatra hiavahan'ny tena izy amin’ny mody izy.

* fahalalàna fa tsy manao kitoatoa Andriamanitra.

* nahatanteraka ny hazakazany i Oelisoa (Oniversite Fjkm)

2- Ny Faharetana

- izay afafinao anio dia mety tsy hivaly eo no eo. Ny atombokao mety tsy ho farananao. Azo atao ny mamiratra anaty zavatra tsotra anankiray. Fa mila faharetana

3- Ny Fitiavana

- zioga ny asa rehefa tsy misy fitiavana. Fa ny zavatra mafy indrindra dia ho maivana rehefa misy ny fitiavana.

Havaoziko ilay voady

1. Tsy ho toy izao, Jesoa
Ity mpanomponao
Raha toa tsy tao tokoa ny fahasoavanao
‘Zay nanohana ‘lay hery kely tao am-poko
Nahazoako mba nanao
Ny asam-panompoako!

Fiv: Indro fa havaoziko ry Jesoa
‘Lay voady miorina ao am-po
Ny andro ivelomako
‘Zay omenao iainako
Dia atokako sy mbola hitoriako ilay fitiavanao!

2. Ny asa izay natao,Jesoa,
Dia tsapako ao am-po
Fa tsy dia toy inona sy bitika tokoa
Nefa na izany aza dia inoako koa
Fa ‘zay kely vitako hitera-boka-tsoa.
Indro fa havaoziko ry Jesoa sns…

3. Na ho lava na ho fohy
Ny androko ety
‘Zaho dia irakao, ry Jesoa Tompo be fitia!
Ka ilay fitiavanao miorim-paka anaty
No hanafy herim-pitokiana mandra-maty!
Indro fa havaoziko ry Jesoa sns…

Fihirana fanampiny 53

Veloma Oels a! Veloma reitsy a! Ary mandrià am-piadanana mandrapahatonganay any amin'ny tsy taka-maso  any.

Jeannot Ramambazafy – 15 Avrily 2016