Avelao ny mpanaratsy sy ny manenjika ary ny mpanatsatso hanohy ny « asany ». Ireo no fomba fiady hitan’izy ireo fa mety hampandany ny kandida n°25 izay toa voadidin’ireo mpanao politika diso « malazo » loatra amin’ny fahafantaran’ny vahoaka malagasy azy ireo. Isika maro an’isa dia hitombo isa noho ireto velirano tsy manam-paharoa manaraka ireto. Rehefa voavakinareo hatramin’ny farany ireo dia hazava aminareo ny safidy : ny tanora tokoa no taratry ny ho avin’i Madagasikara.
Fa mialohan’izay misy tsiahy tsy maintsy resahina.
Tamin’ny 6 ora maraina androany Talata 4 Desambra 2018 no nanomboka ny fampielezan-kevitra amin’ny fiodinana faharoa mikasika ny fifidiana filoham-pirenena izay hatao ny 19 Desambra 2018. Omaly 3 Desambra dia niatrika ireo mpandraharaha ao amin’ny GEM (« Groupement des entreprises de Madagascar ») ny kandida roa dia i Marc Ravalomanana (69 taona, n°25) sy Andry Rajoelina (44 taona, n°13). Toa atsimo sy avaratra ny praograma nasoron’izy mianaka, nandeha tsirairay, araka ny fijerin’ny maro an’isa…
Na tiana nefa na tsy tiana, tsy misy firenena handroso izany mihitsy raha ny lafin'ny ara-ekonomika nasionaly no tsy mirindra amin'ny laoniny. Io sehatra io no tena mamelona ny vahoaka ao anatina firenena iray ka tsy mety raha atao tsinotsinona.
Alohan’ny nanombohan’ny fitetezam-paritra, satria sady olom-pinoana no matahotra an’Andriamanitra i Mialy sy Andry Rajoelina dia niatrika fotoam-pivavahana izy roa, tany Ampefy. Ny tso-drano zava-mahery tokoa. Izay koa no nahatonga an'i Ramose Dada nikarakakara ihany koa fotoam-pivavahana tao amin'ny QG-ny etsy Ampandrana. Na dia nanjavona tanteraka nanomboka ny taona 2006 ireo "Fahamarinana" sy "Fahamasinana" nodradradradrainy handratona ny Malagasy tsy tena nahalala -ary mbola tsy malahala ihany- ny tena zava-misy marina eto amin'ny firenena iombonana.
Fa andao amin’izay isika hitodika amin’ireo velirano miisa 13 mira ny laharan’ity kandida tanora vonona malagasy ity.
VELIRANO 1
Laharam-pahamehana ny Fandriampahalemana sy ny Andavanandro tsara antoka. Ao anatin’izany :
Ny fiarovana ny sisin-tanintsika sy ny harena voajanahary
Ny ady amin’ny tsy fandriampahalemana miseho isan’andro
Ny fanamafisana ny fiarovana ny velaran’ny Tanindrazantsika
Ny fampiroboroboana ny politikan’ny fananan-tany tsy mitongilana
VELIRANO 2
Angovo sy Rano ho an’ny rehetra. Tafiditra amin’izany :
Ny fanomezana jiro izay faran’ny mora indrindra
Ny fampidirana herinatra manerana an’i Madagasikara
Ny fanomezana rano madio azo sotroina ho an’ny rehetra
VELIRANO 3
Ady amin’ny kolikoly ary Fitsarana tsy mitanila. Hampiarina :
Ny tsy fisian’ny indra-fo ho an’ny kolikoly
Ny fanakaikezan’ny asam-panjakana amin’ny olom-pirenena
Ny fanaovana ho modely ireo olom-boafidy sy ny mpiasam-bahoaka
Ny fanavaozana sy ny fanamafisana ny fitantanana ireo fonja
VELIRANO 4
Fanabeazana sy Kolontsaina ho an’ny rehetra. Ao anatin’izany :
Ny fanomezana antoka fa hisy ny rafim-pampianarana ho an’ny rehetra
Ny Fanasongadinana ny fahaiza-manao avo lenta
Ny fanomezan-danja bebe kokoa ny fampianarana ara-teknika sy arak’asa, indrindra fa any amin’ny faritany
Ny fametrahana ara-pomba ofisialy ny fampianarana sivika sy ny maha olompirenena
VELIRANO 5
Fahasalamana ho an’ny rehetra ka tsy misy sokajin-taona. Hampiarina :
Ny fahafahan’ny rehetra mahazo fitsaboana
Ny fanatsarana ny fahasalaman’ny Reny sy ny Zaza
Ny fanamafisana ny fisoroana ireo aretina mifindra sy ny aretina ankapobeny
Ny fanavaozana ny fizarana ny fisotroan-dronono
VELIRANO 6
Asa mendrika ho an’ny rehetra. Tafiditra amin’izany :
Ny fampitomboana ny isan’ny sehatr’asa
Ny fanofanana sy ny fanarahana eo amin’ny lafin’ny fitadiavana asa
Ny fanamafisana orona ny fahaiza-manaom-pirenena
Ny fananganana Biraon’ny Asa
VELIRANO 7
Ny Fampiroboroboana ny Indostria an’i Madagasikara
Ny fanohanana ny sehatry ny asa malagasy indrindra eo amin’ny tanora sy ny vehivavy
Ny fanamorana ny fomba fampiasam-bola eo amin’ny tontolon’ny Indostria
Ny fanitarana ny tolotra ara-pizahantany
Ny fanasongadinana sy fanelezana ny «Made in Madagascar» na ny «Vita eto Madagasikara»
VELIRANO 8
Ny Vehivavy sy ny Tanora Malagasy tratry ny Ho avy. Amin’ny alà lan’ny:
Mira lenta eo anivon’ny fiarahamonina sy any amin’ny sehatr’asam-panjakana
Fanomanana ny tanora amin’ny fanandratana ny Nosintsika
VELIRANO 9
Ny Fahavitan-tena ara-tsakafo. Ho tratra io amin’ny :
Fampitomboana ny voka-bary
Fanità rana ny fiompiana sy ny sehatry ny hazan-drano
Fanatevenana ny fanampian’ireo mpamboly ary fanavaozana mitodika amina famokarana vaovao
Fanatsarana ny fitombon’ny famokarana any amin’ny faritra
Fametrahana ny politika nasionaly natokana ho an’ny omby
VELIRANO 10
Ny fitantanana maharitra ny harena voajanaharin-tsika. Ho tanteraka izany amin’ny :
Famporisihina ny fizahantany maharitra
Fanomezan-danja ny harena an-kibo-tanintsika
Fiarovana ny biby, ny zava-boary ary ny tanintsika
Fambolen-kazo mivelatra
Fiadiana amin’ny fanimbana ny tontolo iainan-tsika
VELIRANO 11
Madagasikara ho lasa moderna amin’ny alalà n’ny :
Famoronana tanan-dehibe vaovao hafahan’ny fampiasam-bola mivelatra kokoa
Fanitarana sy fampitohizana ireo là lana, seranam-piaramanidina, serana-tsambo ary lalam-by Malagasy
Fanamboarana trano ipetrahana sahazan’ny rehetra sy fanamorana ny findramam-bola raha hanorina trano na hiditra eo amin'ny « location-Vente ». Izany hoe, raha tsorina : manofa mandritran'ny fotoana voafetra dia lasa tompon'ilay trano ianao
Fandrindrana sy fiarovana ny fitaterana ho fanatsarana ny fifamoizana ny entana sy ny olona
Fanadiovana ny toeram-bahoaka sy fanatsarana ny fitantanana ny zaoridira
Fampivelarana ny tanan-dehibe nomerika
VELIRANO 12
Fahavitan-tena sy fandraisana andraikitra eo amin’ireo faritanin-tsika. Tsy maintsy :
Mamorona tanà na misahana manokana ny fandrosoana sy fampandrosoana
Mampandray andraikitra ireo faritanin-tsika amin’ny fampandrosoana, ary mametraka sy mampiroborobo sehatra ho an’ny firaisan-kina
Manao laharam-pahamehana ny fiaraha-miasan’ny faritra, ny distrika ary ny kaominina
VELIRANO 13
Fanatanjahatena Ambo-pom-pirenena ka :
Hanangana foto-drafitr’asa ara-panatanjahantena vaovao maro indrindra any amin’ny faritany
Hamolavola ny tanora amin’ny alalan’ny fanatanjahantena
Hanatsarana ny fahasalamana amin’ny alalan’ny fanatanjahantena
Hanangana foibe sy akademia ara-panatanjahantena nasionaly sy hampiatra ny hoe « sport/études ». Izany hoe sady mianatra taranjam-panatanjahantena iray no manohy ny fampianarana mahazatra
Hampiatra ny fanomezana vatsim-pianarana manokana ho an’ny mpanao fanatanjahantena
Fandikana malalaka ny teny frantsay : Jeannot Ramambazafy